الهيئة العليا لرابطة شعراء وكتاب العرب

أسترها يارب (826)
…………….
أسترها يارب أما تعدي
لتأخدنا بحوره اللي تودي
ع النار كده حدف
لا هنقدر على صهض لهيبه
ونجاري في شوقه وألاعيبه
إن غمض عينه وفتحها
بيوقع دسته في دباديبو
قلبي كده زايد كام دقه
من نظره وقعنا ومش فارقه
مين يقدر حتى يقول لأ
تأخدك كده خطف
ده الليل متكحل بيه عيونه
دايب دوبان جوا جفونه
بستان الشوق مالي حصونه
ملفوف كده لف
لا أنا قد غرامه وله هسلم
تلميذ قدامه وبتعلم
هغرق في هواه لو يتكلم
صادني أنا فى الفخ
تبصم لجماله كل الحته
زلزال خطوته تقتل سته
دوبني هواه حته بحته
قلبي كده واقف على تكه
تايه لشهور ما أعرف سكه
خلصت الصبر وبتشكى
لا أنا عارف بضحك وأتبكى
أسترها يارب
بقلم .. صبري رسلان