يادار الحبايب//ابراهيم النشيلى

يادار الحبايب
عمر غايب
الرحيل سكتى
غربة سنيين
مشوار طويل
الرجوع حلم

حياتى وأمنيتى

أنا الغريب يادار
راجع مليان مرار
مشتاق كتير

لأهلى وناسى ولمتى

يادارى أنا جيت
ع الباب ودقيت
ياأهل الله ناديت

بشوقى ولهفتى

ماحد رد عليا
دورت حواليآ
لقيتنى وحديا
نزلت دموع عينيا

أنكسرت فرحتى

الباب أنا زقيت
فينكم ياأهل البيت
أنا الغريب المسافر

يادارى أنا جيت

دورت مالآقيت
غير صورة ع الحيط
أبويا وأمى وأختى

وشمعة مطفيه

بصيت ع الجدارن
لقيت مكتوب كلام
جواب فيه السلام
العنوان كل واحد منهم

نام فى ارض غير التانية

حتى المكان إللى كان
بيجمعنا زمان
ابويا وامى واخواتى
لقيته عتمه وظلمه

لآنور ولآ تهويه

دار الحبايب اتفنى
ولا حد سال فيه
حتى الزمان اتنسى

مين يسأل على مين

رجعت قفلت الباب
ورميت السلام
على أرواح كانت
ليها زمان عاشت
فى أمان وحب وحنيه
هنا فى دار الحبايب
كلماتى
الشاعرالمهاجر
ابراهيم النشيلى
الخميس ٢٠٢٢/٧/١٤

اكتب تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s